Գիտավերլուծական աշխատանքում ներկայացված է լանդշաֆտների վիզուալ գեղագիտական արժեքի վերաբերյալ ուսումնասիրություն: Լանդշաֆտների վիզուալ գեղագիտական արժեքը համարվում է առավել կարևոր գրավչություններից մեկը զբոսաշրջիկների համար: Այդ պատճառով դրա գնահատումը համարվում է ցանկացած տարածքի զբոսա-ռեկրեացիոն պոտենցիալի համալիրային ուսումնասիրման բաղկացուցիչ մաս:

Վիզուալ գեղագիտական արժեքը ենթադրում է գնահատման բավականին բարդ գործընթաց: Հեղինակների կողմից առաջադրվել է չափանիշների և մոտեցումների մեծ բազմազանություն, դրանցից որոշներն ընտրվել են սույն աշխատանքում հաշվարկներ կատարելու համար: